Në këto institucione arsimore po punohet në renovimin e bankave shkollore, si dhe në përmirësimin e kushteve të përgjithshme për nxënësit dhe mësimdhënësit, me qëllim krijimin e një ambienti më të sigurt dhe më funksional për procesin mësimor.
Në sallën e edukatës fizike të SHF “Abdyl Frashëri”, po realizohet rregullimi i ndriçimit, një investim i domosdoshëm për zhvillimin normal të aktiviteteve sportive dhe edukative të nxënësve.
Gjatë vizitës, u informuam drejtpërdrejt për nevojat konkrete të secilës shkollë dhe identifikuam ndërhyrjet që do të realizohen në periudhën në vijim.
Mbetemi të përkushtuar për krijimin e kushteve sa më të mira në shkolla dhe për një arsim gjithëpërfshirës e cilësor për të gjithë fëmijët tanë.
